बेंगळूर : मुख्यमंत्री येडियुराप्पा यांना निवेदन देताना सुरेश अंगडी यांचे जावई संकल्प शेट्टर आणि डॉ. राहुल पाटील. समवेत मंत्री जगदीश शेट्टर.
प्रतिनिधी / बेंगळूर
नवी दिल्ली येथे अलीकडेच निधन झालेले केंद्रीय रेल्वे राज्यमंत्री सुरेश अंगडी यांचा अंत्यविधी झालेल्या ठिकाणी स्मारक निर्माण करण्यासंबंधीचे निवेदन मुख्यमंत्री येडियुराप्पा यांना देण्यात आले आहे. सुरेश अंगडी यांचे जावई संकल्प शेट्टर आणि डॉक्टर राहुल पाटील यांनी बुधवारी मुख्यमंत्र्यांची बेंगळूरमध्ये भेट घेऊन निवेदन दिले.
मागील आठवडय़ात बुधवारी केंद्रीयमंत्री सुरेश अंगडी यांचे नवी दिल्लीतील एम्स इस्पितळात निधन झाले. कोविड-19 शिष्टाचारानुसार त्यांच्या पार्थिवावर नवी दिल्लीतील द्वारकानगर येथील लिंगायत रुदभूमीत अंत्यसंस्कार करण्यात आले. तेथे स्मारक निर्माण करण्यात यावे. तसेच रुद्रभूमीसाठी संरक्षक कठडा निर्माण करण्यात यावा. यासंबंधी अधिकाऱयांना सूचना द्याव्यात, अशी विनंती मुख्यमंत्र्यांकडे करण्यात आली आहे.