वृत्तसंस्था/ सेऊल :
जगभरात कोरोनाने धुमाकूळ घातला असताना दक्षिण कोरियामध्ये अनेकांना आपला जीव गमवावा लागला आहे. मात्र गेल्या काही दिवसापासून कोरियन सरकारने केलेल्या अथक प्रयत्नामुळे कोरोनाग्रस्तांची संख्या आटोक्यात आली आहे. अशा परिस्थितीत दोन महिन्याच्या विलंबानंतर कोरियातील फुटबॉल हंगामाला सुरुवात होत आहे. स्थानिक के-लीगमधील सामने सेऊलमध्ये खेळवण्यात येणार आहेत. यासाठी सरकारने काही नियमावली तयार केली असून याचा वापर करत सामने खेळवण्यात येणार असल्याचे फुटबॉल महासंघाच्या पदाधिकाऱयांनी सांगितले. स्टेडियममध्ये चाहत्यांना प्रवेश नाकारण्यात आला असून या के-लीगमधील सर्व सामन्यांचे लाईव्ह प्रक्षेपण करण्यात येणार आहे. तसेच सोशल मीडियावरही या लीगमधील सामने दाखवण्यात येणार आहेत.