प्रतिनिधी / करमाळा
करमाळा तालुक्यातील केम येथे आज पोलीसांनी गांजा विक्रीच्या रोख रकमेसह इतर गांजा ९५ हजार ९४० रूपयाचा जप्त केला आहे. ही कारवाई स्थानिक गुन्हे शाखा सोलापूर यांनी केली आहे.
यात केम येथे दुपारी पावणेतीन वाजता छापा टाकला असता तेथे गांजा सापडला असून तो एकूण ४ किलो ९९१ ग्रॅम आहे. त्यांची किंमत एकूण ४९ हजार ४१० रूपये, दूसऱ्या एका पिशवीत १ किलो १५५ ग्रॅम गांजा सापडला. तर तिसऱ्या बॉक्स मध्ये ४५८ ग्रॅम गांजा सापडला तर १३ हजार १५० रूपये रोख सापडले. अशाप्रकारे ९५ हजार ४९० रूपयाचा ८ किलो १५४ वजानाचा गांजा व १३ हजार १५० रू. रोख असा ऐवज सापडला आहे. पोलीसांनी या प्रकरणी गुन्हा दाखल केला असून अरूण जनार्दन तळेकर (वय-६५) तळेकर वस्ती केम यास अटक केली असून पुढील तपास सुरू आहे.