शिमला / वृत्तसंस्था
हिमाचल प्रदेशात थंडीने कहर सुरू केला आहे. थंडीच्या लाटेमुळे शिमल्यासह राज्यातील 8 शहरातील किमान तापमान उणेपर्यंत गेले आहे. लाहौल आणि स्पिती जिह्याचे मुख्यालय असलेल्या केलाँगमध्ये सर्वात कमी तापमान उणे 8 अंश सेल्सिअस नोंदवले गेले. तसेच राज्यात चंबा येथे 1 अंश, मनाली 1 अंश, भुंतर 1 अंश सेल्सिअस तापमानाची नोंद झाली आहे. अनेक भागात पाणीपुरवठा करणाऱया पाईपमधील पिण्याचे पाणीही गोठले आहे. गुरुवारी संध्याकाळी अटल बोगद्याजवळ हिमवृष्टीचे प्रमाण वाढल्यामुळे अनेक वाहने अडकून पडली होती. येथे बुधवारी रात्री या हंगामातील निचांकी तापमानाची नोंद झाली होती. हवामान खात्याने शुक्रवारी अनेक जिह्यांमध्ये पाऊस आणि हिमवृष्टीचा इशारा दिला आहे.