ऑनलाईन टीम / बेंगळूर :
मुलांच्या ऑनलाईन गेम्स खेळण्याने पालकांच्या कष्टाच्या पैशाचा अपव्यय होत आहे. त्यामुळे कर्नाटकात लवकरच ऑनलाईन गेम्सवर बंदी घातली जाईल, असे राज्याचे गृहमंत्री बसवराज बोम्मई यांनी म्हटले आहे.
माध्यमांशी बोलताना बोम्मई म्हणाले, ऑनलाईन गेम्समुळे लहान मुले, विद्यार्थी दिवसभर गेम खेळण्यात व्यस्त असतात. त्यामुळे त्यांच्या आरोग्यावर परिणाम होतोच, याशिवाय आई-वडिलांनी कष्टाने कमावलेल्या पैशाचा अपव्यय होतो. हा अपव्यय टाळण्यासाठी कर्नाटक सरकार ऑनलाईन गेम्सवर बंदी आणण्याचा विचार करत आहे.
सरकार लवकरच यासंदर्भात संबंधित विभागाकडून सूचना मागवणार आहे. गेम्स बंदीला विरोधीपक्षांचाही पाठिंबा मिळत असल्याचे बोम्मई यांनी सांगितले.