तरुण भारत संवाद प्रतिनिधी / अक्कलकोट
अक्कलकोट शहर – तालुक्यात आज दि. ११ जुलै रोजी सकाळी ८ वाजेपर्यंत सात कोरोना रुग्ण आढळले आहेत. शहरातील पुकाळे प्लॉट ०२, संजय नगर ०२, आझाद नगर ०१, ग्रामीण भागातील सलगर ०१, करजगी ०१ असे एकूण ७ कोरोनाबधित रुग्ण आढळले आहेत. याबाबतची माहिती तहसीलदार अंजली मरोड यांनी दिली आहे. तसेच अक्कलकोट तालुक्याची एकूण रुग्ण संख्या आता १४७ वर पोहचली आहे.
एकूण कोरोनाबधित रुग्ण संख्या ८५, एकूण बरे झालेले रुग्ण संख्या ३५, एकूण उपचार घेत असलेले रुग्ण ४३, एकूण मृत रुग्ण संख्या ०७ वर गेली आहे.
ग्रामीण भागात एकूण कोरोनाबधित रुग्ण संख्या ६२, एकूण बरे झालेले रुग्ण संख्या ३१, एकूण उपचार घेत असलेले रुग्ण २९, एकूण मृत रुग्ण संख्या ०२ झाली आहे. त्याचप्रमाणे मागील तीन दिवसांपूर्वी घेतलेल्या स्वॅबपैकी ६८ स्वॅब तर शुक्रवारी घेतलेले ८१ स्वॅब पेंडिंग आहेत. असे एकूण आतापर्यंत १४९ स्वॅब पेंडिंग आहेत. आता त्या अहवालाची प्रतीक्षा आहे.