बेळगाव : / प्रतिनिधी
सदाशिवनगर येथील एसबीआय बँकच्या समोर गॅसवाहिनीचे काम सुरू असताना शनिवारी अचानक गॅसवाहिनी फुटून स्फोटसदृश परिस्थिती निर्माण झाल्याने एकच गोंधळ उडाला. वाहिनी फुटून अचानक गॅसच्या फवाऱयाने काही वेळ भीती निर्माण झाली.
सदर ठिकाणी कर्मचारी गॅस वाहिनीचे काम करत असताना दाब पडून अचानक वाहिनी फुटली. दरम्यान, शेजारी असलेल्या वाहनांवरही चिखल फेकला गेला. त्यामुळे कर्मचारी भयभीत झाले होते. असाच प्रकार यापूर्वी एसपीएम रोडवरदेखील घडला होता. त्यानंतर सदर ठिकाणी खोदकाम करून कर्मचाऱयांनी गॅस वाहिनी जोडणीचे काम केले.