कराड तहसीलदार पदी झाली आहे नियुक्ती
वार्ताहर/ कराड
सातारा संजय गांधी शाखेचे तहसीलदार अजित कुऱ्हाडे यांची कराड तहसीलदारपदी नियुक्ती झाली असून येत्या दोन दिवसांत अजित कुऱ्हाडे कराड तहसीलदार पदाची सूत्रे स्वीकारणार आहेत.
कराडचे तहसीलदार अमरदीप वाकडे यांच्या बदलीचा अद्याप आदेश झालेला नाही. मात्र त्यांच्या जागी अजित कुऱ्हाडे यांच्या नियुक्तीचे आदेश देण्यात आले आहेत. अजित कुऱहाडे यांनी 2016 ते 2019 दरम्यान कराडला नायब तहसीलदार म्हणून काम पाहिले असल्याने त्यांना कराड तालुक्याचा अनुभव आहे. मंगळवारी ते कराडच्या तहसीलदार पदाची सूत्रे स्वीकारण्याची शक्यता आहे.