नवी दिल्ली
सिटी गॅस वितरण व्यवसायात कार्यरत असणारी खासगी क्षेत्रातील कंपनी अदानी गॅस लि.आपले नाव बदलण्याचे संकेत आहेत. यामध्ये सदरचे नाव बदलून अदानी टोटल गॅस करणार आहे. उद्योगपती गौतम अदानी यांच्या नेतृत्वातील अदानी समूहातील या कंपनीच्या नावात फ्रान्सची पेट्रोलियम कंपनी टोटलची हिस्सेदारी दाखविण्याची शक्यता आहे. या कंपनीमध्ये अदानी समूह आणि टोटल दोन्हींची हिस्सेदारी 37.40-37.4 टक्के आहे. अन्य 25.20 टक्के समभाग सार्वजनिक समभागधारकांकडे आहेत. कंपनीने शेअर बाजाराला दिलेल्या माहितीमधून ही बाब समोर आली आहे. दोन्हीकडून नावासंदर्भात मोठी उत्सुकता राहणार असल्याचे संकेत आहेत.