10 रोजी महाप्रसाद
प्रतिनिधी /बेळगाव
मारूती गल्ली अनगोळ येथील मारुती मंदिर हे भाविकांचे श्रद्धास्थान व जागृत देवस्थान आहे. या मंदिराचा पुरातन रथ कमकुवत झाल्यामुळे नवीन रथाची निर्मिती करण्यात आली आहे. दरवषी हनुमान जयंतीला मारूती मूर्तीची रथातून मिरवणूक काढण्याची धार्मिक परंपरा आहे. गावातील नागरिक व भाविकांनी दिलेल्या देणगीतून या रथाची निर्मिती करण्यात आली आहे. शुक्रवार दि. 8 रोजी सकाळी 9 वा. मराठी शाळेपासून मिरवणुकीने रथ आणण्यात येणार आहे. यावेळी गावातील सर्व मंडळे, भाविकांनी उपस्थित रहावे. महिलांनी कळशी घेऊन मराठी शाळेसमोर उपस्थित रहावे.
शनिवार दि. 9 रोजी सकाळी 6 वा. अभिषेक, महाआरती व होम करण्यात येणार आहे. सायंकाळी 5 वा. सत्कार समारंभ व प्रदीप सुतार यांचा पोवाडय़ाचा कार्यक्रम होणार आहे. रविवार दि. 10 रोजी सकाळी 8 वा. पंच मंडळीतर्फे गावातील सर्व देवी देवतांना नारळ फोडणे, ओटी भरणे कार्यक्रम होणार आहे. सायंकाळी 7 वा. महाप्रसादाला सुरूवात होणार आहे. तरी सर्व भाविकांनी या महाप्रसादाचा लाभ घ्यावा, असे आवाहन मंदिरातर्फे करण्यात आले आहे.