रस्त्यावर उठाबशाची शिक्षा तर गाड्यांची काढली हवा
घाटकोपर /प्रतिनिधी
मुंबई उपनगरात पवई , विक्रोळी , घाटकोपर, भांडुप , मुलुंड परिसरात कोरोना रुग्णाचा मागील काही दिवसांपासून आकडा वाढत आहे . पवई परिसरात रुग्ण आढळत असल्याने प्रशासनाने तेथील सर्व रस्ते बंद केले आहेत मात्र काही लोक अत्यावश्यक वस्तू खरेदी करण्यासाठी म्हणून बाहेर पडत शासनाच्या आदेशाचा गैरफायदा घेत आहेत . पवई येथील विक्रोळी जोगेश्वरी लिंक रोड वरून ठाणे , मुलुंड , नवी मुंबई व अंधेरी , गोरेगाव जाणाऱ्या लोकांना आज पवई पोलिसांनी आयआयटी मेन गेट समोर अडवून चौकशी केली व अनावश्यक फिरणाऱ्या लोकांना रस्त्यावर उठाबशा काढण्यास लावले तर मोटारसायकल व रिक्षांच्या टायर मधील हवा सोडून देत कारवाई केली .