नवी दिल्ली
टीव्हीएस मोटर कंपनीची प्रिमीयम गटातील मोटारसायकल ‘अपाचे’च्या विक्रीने जागतिक स्तरावर 40 लाखाचा आकडा पार केला असल्याचे सांगण्यात येते. कंपनीच्या या मोटारसायकलने लोकप्रियतेची कमान उंचावत ठेवली आहे. 2005 मध्ये सदरची गाडी भारतात लाँच झाली होती. देशात या गाडीची मागणी प्रिमीयम गटात अधिक राहिली. जागतिक बाजारांनीदेखील या गाडीला प्रतिसाद दिला. अपाचे ही गाडी नेकड आणि सुपर स्पोर्ट्स या दोन प्रकारात दाखल करण्यात आली आहे. या गाडीच्या विक्रीने जागतिक स्तरावरच 40 लाख विक्रीचा महत्त्वाचा टप्पा पार करण्यात यश मिळवलं आहे.