नवी दिल्ली
भारत सरकारने ऑपरेशन ‘देवी शक्ती’ अंतर्गत काबूलमधून हिंदू, शीख नागरिकांसह सुमारे 110 लोकांना एअरलिफ्ट केले आहे. त्यांना घेऊन येणारे विमान शुक्रवारी दुपारी दिल्ली विमानतळावर दाखल झाले. परराष्ट्र मंत्रालयाचे अधिकारी अफगाणिस्तानमधील भारतीयांच्या संपर्कात आहेत. दोन्ही देशांच्या दुतावासामध्ये समन्वय राखून भारतीयांना मायदेशी आणण्याचे प्रयत्न सध्या सुरू आहेत. तथापि, एअरलिफ्ट केलेल्या लोकांमध्ये काही अफगाण नागरिकांच्या सहभागाची अधिकृत पुष्टी मिळालेली नाही.