ऑनलाईन टीम / नवी दिल्ली :
तालिबान्यांच्या भितीपोटी देश सोडणाऱ्या अफगाणी नागरिकांना तात्पुरत्या काळासाठी शरण येण्यास 13 देशांनी मान्यता दिली आहे. त्यामध्ये कॅनडा, कोलंबिया, उत्तर मॅसेडोनिया, मेक्सिको, पोलंड, कतार, रवांडा, युपेन, अल्बानिया, युगांडा, कोस्टारिका, चिली आणि कोसोव्हो या देशांचा समावेश आहे.
अमेरिकेचे परराष्ट्रमंत्री अँटोनी ब्लिंकन म्हणाले, अमेरिकेसह अन्य देशांनी बाहेर काढलेल्या निर्वासितांना नेण्यासाठी ‘ट्रान्झिट’ ठाणे देशाचा वापर करू देण्यास 13 देशांनी परवानगी दिली आहे. त्यामुळे ज्या संभाव्य अफगाणी शरणार्थींच्या पुनर्वसनाची व्यवस्था अमेरिकेत झाली नाही, त्यांना या 13 देशात आसरा मिळणार आहे.