ऑनलाईन टीम / वॉशिंग्टन :
अमेरिकेच्या नौदलाने भारताच्या परवानगीशिवाय लक्षद्वीप समूहाच्या पश्चिमेला जवळपास 130 सागरी मैल प्रवास करून युद्धसराव केला. अमेरिकेच्या सातव्या आरमाराचे हे कृत्य भारताच्या समुद्र नौवहन संरक्षण धोरणाचे उल्लंघन आहे.
अमेरिकन नौदलाने म्हटले आहे की, एप्रिल रोजी अमेरिकन नौदलाची युद्धनौका युएसएस जॉन पॉल जोन्सने (डीडीजी 53) भारताची परवानगी न घेता लक्षद्वीपपासून 130 समुद्र मैल अंतरावर असलेल्या भारतीय हद्दीत नौवहन अधिकार आणि स्वतंत्रतेसाठी सराव केला. भारताच्या या विशेष क्षेत्रातून जाण्यासाठी अथवा युद्ध सराव करण्यासाठी पूर्व सुचना देणे आवश्यक आहे. मात्र, अमेरिकेने तसे न करता ही ही कृती आंतरराष्ट्रीय कायद्यांना धरून असल्याचे म्हटले आहे.