नवी दिल्ली :
अमेरिकेचे राजदूत केनेथ जस्टर यांनी नवी दिल्ली येथे भारतीय रेडक्रॉस मुख्यालयात युनायटेड स्टेट्स एजेन्सी फॉर इंटरनॅशनल डेव्हलपमेंट (युएसएआयडी) कडून उपलब्ध करण्यात आलेले 100 व्हेंटिलेटर्स मंगळवारी सोपविले आहेत. कोरोना विरोधात लढय़ात अमेरिकेचे अध्यक्ष डोनाल्ड ट्रम्प यांच्या आश्वासनानुसार बाधितांवर उपचारासाठी व्हेंटिलेटर्स भारताला देण्यात आले आहेत. व्हेंटिलेटर्सची पहिली खेप सोमवारी दाखल झाली आहे. हे व्हेंटिलेटर्स अत्याधुनिक स्वरुपाचे असून शिकागो येथील कंपनीने त्यांची निर्मिती केली आहे. कोरोना बाधितांवरील उपचारासाठी व्हेंटिलेटर्स एक महत्त्वाचे वैद्यकीय उपकरण ठरले आहे.