प्रतिनिधी/रायगड
अलिबाग येथील बलात्काराच्या गुन्हयात शिक्षा भोगत असलेल्या जिल्हा मध्यवर्ती कारागृहातून दोन कैद्यांनी कारागृहाच्या दगडी भिंतीवरून उडी मारून पळून जाण्याचा प्रयत्न केला. यामध्ये एका कैद्याला पकडण्यात यश आले आहे तर दुसरा कैदी पळून जाण्यात यशस्वी झाला.
फरार कैद्याला पकडण्यासाठी अलिबाग शहराच्या सीमेवर बंदोबस्त ठेवला असून शहरात ठिकठिकाणी पोलीस शोध घेत आहेत. या पूर्वी देखील अलिबाग कारागृहातून कैद्यांनी पलायन केल्याच्या चार-पाच घटना घडलेल्या आहेत.