मुंबई
देशातील सर्वात मोठी म्युच्युअल फंड कंपनी एसबीआय म्युच्युअल फंडचे संचालक अश्वनी भाटिया लवकरच भारतीय स्टेट बँकेच्या(एसबीआय) व्यवस्थापकीय संचालक पदावर रुजू होणार आहेत. एसबीआयमध्ये साधारणतः तीन व्यवस्थापकीय संचालक आहेत. निवडीनंतर भाटिया हे चौथे एमडी असतील. 31 मार्च रोजी निवृत्त झालेले पी.के.गुप्ता यांच्या रिक्त जागी अश्वनी यांची निवड करण्यात येणार आहे. सध्या एसबीआयमध्ये अरिजीत बसू, दिनेश खारा आणि सी.एस. शेट्टी हे एमडी म्हणून कार्यरत आहेत.
बँकेच्या संचालक मंडळाच्या उपस्थितीमध्ये झालेल्या मुलाखतीच्या दरम्यान अश्वनी भाटिया यांच्या नावाला मंजुरी देण्यात आली आहे. आता कॅबिनेटची निवड समिती या संदर्भातला अंतिम निर्णय घेणार असून अश्वनींची निवड जवळजवळ पक्की असल्याचे बोलले जात आहे. एसबीआयने म्युच्युअल फंडने चांगली कामगिरी केली आहे.