कोरोनाच्या पार्श्वभूमीवर पावसाळी पर्यटन बंद असल्याने कारवाई
आंबोली / प्रतिनिधी:-
आंबोलीत कोरोनाच्या पार्श्वभूमीवर पावसाळी पर्यटन बंद असल्याने घाट माथ्यावरील तसेच पर राज्यातील पर्यटक पोलीस चेक पोष्ट वर येऊन गर्दी करताना दिसत असून कोरोनाचा वाढता संसर्ग रोखण्यासाठी सर्वच पर्यटन स्थळावर फिरण्यास पर्यटकांना बंदी करण्यात आली असल्याने हे परजिल्हयातून पर राज्यातून आलेले पर्यटक कोरानाचा संसर्ग वाढवू शकतात या धर्तीवर त्यांना अटकाव करण्यासाठी रवीवारी दुपार पर्यत हया पंधरा पर्यटकांवर कार्यवाही करण्यात आली असल्याची माहीती हवालदार दत्तात्रय देसाई यांनी दिली.
तसेच चौकुळ आणि गेळे येथील ही पर्यटन स्थळांवर पर्यटकांना फिरण्यास अटकाव करण्यात आला असून हया पर्यटन स्थळांवर पर्यटक फिरताना आढळल्यास त्यांवर पोलीसानी कठोर कार्यवाही करावी तशा आशयाचे पत्र चौकुळ आणि गेळे सरपंच आंबोली पोलीस दूरक्षेत्रात देणार असल्याचे सांगण्यात आले.