ऑनलाईन टीम / मुंबई :
भाजप नेते किरीट सोमय्या मागील काही दिवसांपासून महाविकास आघाडीच्या नेत्यांवर सातत्याने भ्रष्टाचाराचे आरोप करत आहेत. आता पुन्हा एकदा परिवहन मंत्री अनिल परब सोमय्या यांच्या रडावर आले आहेत. परब यांच्यासंदर्भात सोमय्या यांनी आज नवे ट्विट केले आहे. त्यावरुन राजकीय वर्तुळात चर्चा सुरू आहे.
सोमय्या यांनी ट्विटमध्ये म्हटले आहे की, ”आता अनिल परब यांचाही नंबर लागणार. अनधिकृत, बेनामी रिसॉर्ट आणि रिसॉर्ट बांधकामासाठी आलेला पैसा… चौकशी होणार. भारत सरकारनं दापोली कोर्टात तक्रार दाखल केली आहे. 30 मार्च रोजी सुनावणी होणार.” सोमय्यांनी यांनी परब यांच्या दोन रिसॉर्टचे फोटोही यामध्ये शेअर केले आहेत.
दरम्यान, सोमय्या यांनी काही दिवसांपूर्वीच रश्मी ठाकरे आणि त्यांच्याशी संबंधित व्यक्तींचे कोकणात अनधिकृत बंगले असल्याचा आरोप केला होता. यासोबत किनारपट्टी भागात अनिल परब यांचे बंगले असल्याचे सांगितले होते. मुरुड गावात परब यांनी बेकायदेशीररित्या रिसॉर्ट आणि बंगला बांधला आहे. ज्याची चौकशी सुरु असून येत्या काही दिवसांत त्यावर कारवाई होणार आहे.