नवी दिल्ली
मुंबईतील वित्त सेवा क्षेत्रातील कंपनी आनंद राठी यांची सहकारी कंपनी आनंद राठी वेल्थचा आयपीओ अर्थात प्रारंभिक सार्वजनिक प्रस्ताव लवकरच येणार आहे. 2 डिसेंबरला सदरचा आयपीओ खुला होणार असून या आयपीओच्या माध्यमातून 660 कोटी रुपये उभारण्याचे संकेत कंपनीने व्यक्त केले आहेत. आयपीओची इशु किंमत 530 ते 550 रुपयांदरम्यान प्रति समभाग असणार आहे. प्रवर्तक आणि सध्याच्या समभागधारकांनी 1.2 कोटी इक्विटी समभागांच्या विक्रीचा प्रस्ताव ठेवला आहे.