नवी दिल्ली
आयफोन निर्मितीतील दिग्गज कंपनी ऍपल आपला आयफोन-13 बाजारात आणण्याची तयारी करत आहे. 25 वॅट फास्ट चार्जिंगच्या सुविधेसह सदरचा फोन सादर होणार आहे.
सदरचा आयफोन-13 सप्टेंबरमध्ये दाखल केला जाणार असल्याची माहिती ऍपल कंपनीने दिली असली तरी याबाबत अधिकृत घोषणा मात्र कंपनीने केलेली नाही. मात्र सदरचा फोन हा वेगवान चार्ज होणारा असून आयफोन 12ची सुधारीत आवृत्ती असणार आहे. आयफोन 12 हा 20 वॅट फास्ट चार्जिंग सुविधेसह बाजारात दाखल झाला होता. 2019 मध्ये कंपनीने 18 वॅट युएसबी ऍडप्टरसह आयफोन-11 व आयफोन 11 प्रो सादर केले होते. त्यानंतर 2020 मध्ये ऍपलने 20 वॅट युएसबी ऍडाप्टरसह फोन बाजारात दाखल केले होते. आता कंपनी 25 वॅट फास्ट चार्जिंगचा आयफोन-13 दाखल करणार आहे.