प्रतिनिधी/ फातोर्डा
केंद्रीय आयुषमंत्री श्रीपाद नाईक यांना अपघात होऊन त्यात ते जखमी झाल्याने त्यांच्या तब्येतीची सुधारणा व्हावी आणि त्यांना दीर्घायुष्य मिळावे यासाठी घोगळ येथील संकट भंजन हनुमान मंदिरामध्ये भास्कर भट आणि ?ईश्वर भट यांच्या पौरोहित्याखाली होमकुंड प्रज्वलित करून तसेच दुर्गादास प्रभू आणि नीळकंठ नाईक यांच्या नेतृत्वाखाली भाविकांनी सकाळी 9.30 ते दुपारी 1 या वेळेत अखंड महामृत्युंजय जप केला. यामध्ये संदीप नाईक, वल्लभदास रायकर, वविता रायकर व इतर मिळून 20 पेक्षा जास्त भाविक सहभागी झाले होते. गोव्याचे माजी मुख्यमंत्री स्व. मनोहर पर्रीकर हे आजारी असताना अशाच प्रकारचा महामृत्युंजय जप या ठिकाणी करण्यात आला होता, अशी माहिती प्रभू यांनी दिली.