बेंगळूर/प्रतिनिधी
बेंगळूरमधील आरआर नगर विधानसभा मतदारसंघाच्या पोटनिवडणुकीसाठी मंगळवारी दुपारी १ वाजेपर्यंत एकूण २६.५८ टक्के मतदारांनी मतदानाचा हक्क बजावला, असे एका निवडणूक अधिकाऱ्याने सांगितले.
कोरोना प्रतिबंध प्रोटोकॉलच्या सहाय्याने सकाळी ७ वाजता मतदान सुरू झाले आणि संध्याकाळी ६ वाजेपर्यंत सुरू राहील. आरआर नगरचे कॉंग्रेसच्या उमेदवार एच. कुसुम यांनी सुरुवाला मतदानाचा हक्क बजावला. सुरवातीला मतदानाच्या अगोदर त्यांनी मंदिरात जाऊन दर्शन घेतले. त्यांनतर त्या मतदारसंघातील मराठहळ्ळी आपल्या मतदान केंद्रावर मतदानासाठी पोहोचल्या.
कन्नड कलाकार दर्शन, अमूल्य आणि अविनाश यांनीही मतदान केलं. पोलिसांनी दिलेल्या माहितीनुसार आतापर्यंत मतदान शांततेत होत आहे. दरम्यान, डीसीपी वेस्ट झोन पोलिसांच्या माहितीनुसार एच. व्ही. हळ्ळीतील माउंट कार्मेल हायस्कूल बूथ क्रमांक ३४३ मधील व्हीव्हीपॅट मशीनमध्ये समस्या उद्भवली. तांत्रिक दुरुस्ती नंतर मतदान पुन्हा सुरू झाले, अशी माहिती डीसीपी यांनी दिली.