प्रतिनिधी/ बेळगाव
आविष्कार उध्यमशिल संस्थेतर्फे आयोजित आविष्कार उत्सवाला बेळगावकरांचा लक्षणिय प्रतिसाद लाभला मराठा मंदिर येथे शनिवारपासून या उत्सवाला सुरूवात झाली. स्थानिक महिला उद्योजिकांना व प्रामुख्याने गृहोद्योग करणाऱया महिलांना प्रोत्साहन मिळावे. त्यांच्या उत्पादनांना बाजारपेठ मिळावी या हेतुने हा उत्सव भरविण्यात आला आहे.
या निमित्ताने दिवाळीची खरेदी एकाच छताखाली करता येणार आहे. सदर उत्सवामध्ये दिवाळीसाठी आवश्यक अशा पणत्या, आकाशदिवे, साजावटीच्या विविध वस्तु, तोरण, विविध प्रकारच्या साडय़ा व डेस मटेरिअल, पर्स, शुद्ध चांदीचे तसेच ऑक्सोडाईड दागिने, पर्स, बॅगा, विविध प्रकारचे सांडगे-पापड, दिवाळीचा फराळ यासह अन्य साहित्य उपलब्ध आहे.
याशिवाय खाद्यपदार्थांचे वेगळे दालन असून येथे खमंग आणि चटपटी असे अनेक खाद्य पदार्थ उपलब्ध आहेत. रविवारी सकाळी 11 ते 8 या वेळेत हा उत्सव सर्वांसाठी खुला असणार आहे. दरम्यान शुक्रवारी उत्सवाच्या उद्घाटन प्रसंगी आविष्कारची वेबसाईटही सुरू करण्यात आली.