ऑनलाईन टीम / गुवाहाटी :
आसाममधील कार्बी आंगलोंग जिल्ह्यातून 25 कोटी रुपयांचे 5 किलोग्रॅम पेक्षा अधिक हेरोईन जप्त करण्यात आले असून या प्रकरणात एकाला अटक करण्यात आली आहे, अशी माहिती डीजीपी भास्कर ज्योती महंता यांनी सोमवारी दिली.
ते म्हणाले, ही कारवाई राज्यात अमली पदार्थाची तस्करी रोखण्यासाठी सुरू असलेल्या अभियानात करण्यात आली. पुढे ते म्हणाले, कार्बी आंगलोंग मधील पोलिसांनी काल रात्री आसाम नागालँड सीमेवरून 5 किलो ग्रॅमपेक्षा अधिक हेरोईन जप्त केले.
पुढे ते म्हणाले, इस्माईल अली असे या आरोपीचे नाव असून त्याला अटक करण्यात आली आहे. जप्त करण्यात आलेले 5.05 किलो ग्रॅम हेरोइन हे जवळपास 25 कोटी रुपयांचे आहे.