विधानसभेत विधेयक सादर :
गुवाहाटी
आसाममध्ये सरकारी मदरसे बंद करण्यासाठी सोमवारी विधानसभेत विधेयक मांडण्यात आले आहे. राज्याचे शिक्षणमंत्री हेमंत विश्व शर्मा यांनी हे विधेयक मांडले आहे. हे विधेयक संमत झाल्यावर स्वातंत्र्यापूर्वीपासूनच आसाममध्ये सुरू असलेले सरकारी मदरसे बंद होणार आहेत. आसाम विधानसभेचे तीन दिवसीय हिवाळी अधिवेशन सोमवारपासून सुरू झाले आहे. राज्य सरकारने ‘शिक्षणाला धर्मनिरपेक्ष’ करण्याचा निर्णय घेतला आहे.
खासगी मदरसे बंद करण्याची योजना नाही, परंतु त्यांना अभ्यासक्रमात विज्ञान आणि गणित यासारखे विषय सामील करावे लागतील आणि नोंदणीही करून घ्यावी लागणार आहे. घटनात्मक तरतुदींचा आदर करत मदरशाचे स्वरुप कायम राखू इच्छित असल्याचे शर्मा यांनी सांगितले आहे.