वृत्तसंस्था/ नवी दिल्ली
हवाई वाहतुकीमध्ये कार्यरत असणारी कंपनी इंडिगोने शुक्रवारी अनोखी सुविधा प्रवाशांसाठी सुरु केली आहे. यामध्ये कोरोनाच्या संकटामुळे अतिरिक्त सुरक्षा सुनिश्चित करण्यासाठी इंडिगो आता फक्त दोन आसने बुकिंग करण्याची सोय उपलब्ध करुन देणार असल्याची माहिती आहे.
अतिरिक्त आसनासाठी शुल्क मुळ बुकिंगच्या 25 टक्के असणार आहे. ही सोय 24 जुलै 2020 पासून सुरु होण्याचे संकेत आहेत. कंपनीने दिलेल्या माहितीनुसार 6 ई डबल आसन योजना प्रवासी पोर्टल, इंडिगो कॉल सेंटर किंवा विमानतळावरील काउंटरवर उपलब्ध होणार नाही. तर सदरची योजनेचा लाभ केवळ इंडिगोच्या वेबसाईटवरच मिळणार असल्याचे स्पष्टीकरण कंपनीने दिले आहे. इंडिगोने 20 जून ते 28 जून या कालावधीत 25,000 प्रवाशांचे ऑनलाईन पद्धतीने सर्वेक्षण केले होते. ज्यामध्ये प्रवाशांनी सामाजिक अंतर कमी ठेवण्यासाठीची मोठी चिंता व्यक्त करत असल्याचा अंदाज व्यक्त केला होता.