नवी दिल्ली
इंडिगो आणि गोएअर या विमान कंपन्यांना दोषयुक्त इंजिने बदलण्याचे आदेश नागरी हवाई उड्डाण विभागाने नुकतेच दिले आहेत. ही इंजिन्स कंपन्यांना 31 ऑगस्टपर्यंत बदलायची आहेत. नव्या इंजिनचा समावेश असलेली विमानेच वापरण्याची सूचना दोन्ही कंपन्यांना विभागाने केली आहे. इंडिगो व गो एअर यांना अद्यापही 60 इंजिन्स बदलून घ्यावयाची आहेत. कोव्हीड 19 मुळे इंजिन्सच्या पुरवठय़ाला उशीर झाल्याने कंपन्यांपुढे समस्या निर्माण झाली आहे. ही परिस्थिती पाहूनच विभागाने इंजिन्स बदलण्यासाठी 31 ऑगस्टपर्यंतचा कालावधी वाढवून दिला आहे.