नवी दिल्ली
पेट्रोलियम क्षेत्रातली भारतातील आघाडीवरची कंपनी इंडियन ऑइल कॉर्पोरेशनने सप्टेंबर तिमाहीअखेर दहापट अधिक निव्वळ नफा कमावला असल्याचे सांगण्यात येते. कंपनीचा हा नफा सप्टेंबरअखेर 6 हजार 227.31 कोटी रुपये इतका झाला आहे. वर्षभरापूर्वी कंपनीचा निव्वळ नफा 563.42 कोटी रुपये इतका होता. सप्टेंबरच्या तिमाहीअखेर कंपनीने 177 लाख टन इंधनाची विक्री केली आहे, जी जून तिमाहीच्या तुलनेमध्ये 16 टक्के अधिक आहे.