दोन किलोमीटरच्या उंचीपर्यंत पसरली राख
जकार्ता
सुमारे वर्षभरापर्यंत निद्रिस्त राहिल्यावर इंडोनेशियातील माउंट सिनाबुंग ज्वालामुखी पुन्हा जागृत झाला आहे. उत्तर सुमात्राच्या कारो येथील या ज्वालामुखीतून बाहेर पडणाऱया राखेमुळे दोन किलोमीटर उंचीच्या धूराचे विशाल लोट दिसून येत आहेत. ज्वालामुखीतून बाहेर पडणारी राख 30 किलोमीटर अंतरावरील बेरास्तगीपर्यंत पोहोचली आहे. या भागातून जाणाऱया प्रवासी विमानांना सतर्क करण्यात आले आहे.
इंडोनेशियाच्या अधिकाऱयांनी पर्यटक आणि स्थानिक लोकंना या ज्वालामुखीच्या 3 किलोमीटर कक्षेपासून दूर राहण्यास सांगितले आहे. हा ज्वालामुखी अजून राख बाहेर टाकू शकतो, अशी भीती असल्याने प्रशासन सतर्क आहे. ज्वालामुखी विस्फोटामुळे जीवितहानी झाल्याचे वृत्त नाही.