प्रतिनिधी/इचलकरंजी
शहरात रविवारी पुन्हा 13 कोरोना पॉझिटिव्ह रुग्ण आढळून आले. यामुळे आता उपचारा खालील शहरातील रुग्णांची संख्या 74 वर जाऊन पोहोचली आहे. यामध्ये कबनूर येथील इंदिरा हौसिंग सोसायटी मधील आठ रुग्णांचा समावेश आहे.
शहरात दररोज कोरोना बाधितांची संख्या वाढतच चालली आहे. आज पॉझिटिव्ह आलेल्या 13 रुग्णांमध्ये कबनूर येथील नव्याने इचलकरंजी शहरात समाविष्ट झालेल्या इंदिरा हौसिंग सोसायटी परिसरातील रुग्णांची संख्या मोठी आहे. त्यामुळे हा परिसर आता हॉटस्पॉट बनला आहे. त्याच बरोबर शहापूर येथील दोन तर आवळे गल्ली सोलगे मळा गुलमोहर कॉलनी येथील प्रत्येकी एक रुग्ण आहेत.
शहरातील आत्तापर्यंत एकूण कोरोना पॉझिटिव्ह रुग्णांची संख्या 4151 वर जाऊन पोहोचली आहे. तर आज अखेर मृतांंची 195 आहे.