वृत्तसंस्था/ कॅगलेरी
एटीपी टूरवरील कॅगलेरी आंतरराष्ट्रीय पुरूषांच्या टेनिस स्पर्धेत इटलीच्या सोनेगोने एकेरीचे जेतेपद मिळविताना सर्बियाच्या विद्यमान विजेत्या डिजेरीचा पराभव केला. सोनेगोला या जेतेपदासाठी अंतिम सामन्यात तीन तास झगडावे लागले.
रविवारी झालेल्या पुरूष एकेरीच्या अंतिम सामन्यात इटलीच्या 25 वर्षीय सोनेगोने डिजेरीचा 2-6, 7-6 (7-5) 6-4 असा पराभव केला. या स्पर्धेत 2006 नंतर विजेतेपद मिळविणारा इटलीचा सोनेगो हा पहिला टेनिसपटू आहे. यापूर्वी म्हणजे 2006 साली इटलीच्या व्हॉलेंड्रीने विजेतेपद मिळविले होते. सोनेगोने गेल्यावर्षी प्रेंच ग्रॅण्ड स्लॅम टेनिस स्पर्धेत चौथ्या फेरीपर्यंत मजल मारली होती. तसेच त्याने 2019 साली तुर्कीतील एटीपी टेनिस स्पर्धा जिंकली होती.