वृत्तसंस्था/ पोर्टोरोझ
डब्ल्यूटीए टूरवरील रविवारी येथे झालेल्या पोर्टोरोझ महिलांच्या आंतरराष्ट्रीय टेनिस स्पर्धेत इटलीच्या जस्मीन पाओलिनीने एकेरीचे जेतेपद मिळविताना अमेरिकेच्या तृतीय मानांकित रिसेकीचा पराभव केला.
महिला टेनिसपटूंच्या मानांकन यादीत 87 व्या स्थानावर असलेल्या इटलीच्या 25 वर्षीय पाओलिनीने रविवारी एकेरीच्या अंतिम सामन्यात अमेरिकेच्या 38 व्या मानांकित ऍलीसन रिसेकीचा 7-6, (7-4), 6-2 अशा सेट्समध्ये पराभव केला. पाओलिनीला विजयासाठी तब्बल 105 मनिटे झगडावे लागले. डब्ल्यूटीए टूरवरील पाओलिनीचे पहिले विजेतेपद आहे.