बेंगळूर
भारतातील दुसऱया नंबरची मोठी सॉफ्टवेअर क्षेत्रातील कंपनी इन्फोसिसच्या एकत्रित निव्वळ नफ्यात तिसऱया तिमाहीत 11 टक्के इतकी वाढ झाल्याचे दिसले आहे. कंपनीचा नफा 5 हजार 809 कोटी रुपये इतका चालू आर्थिक वर्षात ऑक्टोबर ते डिसेंबरच्या तिमाहीत नोंदला गेला आहे. मागच्या आर्थिक वर्षात समान अवधीत 5 हजार 197 कोटी रुपये नफा कंपनीने प्राप्त केला होता. 31 डिसेंबरला संपलेल्या तिमाहीअखेर कंपनीचे उत्पन्न 22 टक्के वाढून 31,867 कोटी रुपयांवर पोहचले आहे. एक वर्षाआधी याच तिमाहीत उत्पन्न 25 हजार 927 कोटी रुपये इतके होते.