नवी दिल्ली
सध्याला अनेक कंपन्यांचे तिमाही निकाल घोषित होत असून यात आयटी क्षेत्रातील कंपनी इन्फोसिसला दुसऱया तिमाहीत 11 टक्के निव्वळ नफा झाल्याचे स्पष्ट झाले आहे. कंपनीने शेअर बाजाराला नफ्यासंबंधीची माहिती दिली आहे.
आर्थिक वर्षाच्या जुलै ते सप्टेंबरच्या दुसऱया तिमाहीत 11 टक्के नफा वाढून 5 हजार 421 कोटी रुपयांवर पोहचला आहे. याआधीच्या तिमाहीत कंपनीने 4 हजार 845 कोटी रुपयांचा नफा कमावला होता. यादरम्यानच्या काळात कंपनीचे उत्पन्न 20 टक्के वाढून 24 हजार 570 कोटी रुपयांवर पोहचले आहे.