नव्या वर्षात देशात महासंकट
इस्लामाबाद
पाकिस्तानच्या जनतेसाठी नवे वर्ष आनंद नव्हे तर समस्यांचा ढिग घेऊन येणार आहे. पाकिस्तानात नैसर्गिक वायूचा पुरवठा करणारी कंपनी सुई नॉर्दन 500 दशलक्ष स्टँडर्ड क्यूबिक फूट प्रतिदिन वायूच्या कमतरतेला तोंड देणार आहे. नैसर्गिक वायूच्या या प्रचंड तुटवडय़ामुळे कंपनीला ऊर्जाक्षेत्राला होणारा वायूपुरवठा रोखावा लागणार आहे.
ऊर्जा क्षेत्रासाठीचा एलएनजी रोखूनही देशातील घरगुती ग्राहकांचे संकट कमी होणार नाही. देशात यानंतरही 250 दशलक्ष स्टँडर्ड क्यूबिक फूट प्रतिदिन वायूचा तुटवडा भासणार आहे. 4 ते 20 जानेवारीदरम्यान वायूचा तुटवडा सर्वाधिक प्रमाणात भासणार असल्याचे मानले जात आहे. इम्रान सरकारने वेळेत नैसर्गिक वायूची खरेदी न केल्याने जनतेला त्रास सोसावा लागणार आहे.