मुंबई
पुढील दोन ते तीन वर्षाच्या कालावधीत इलेक्ट्रिक दुचाकींचा एकंदर दुचाकीच्या विक्रीत 10 टक्के इतका वाटा असेल असा अंदाज ऍथर एनर्जीचे सीईओ तरूण मेहता यांनी व्यक्त केला आहे. इलेक्ट्रिक दुचाकी निर्मिती करणारी ऍथर ही लोकप्रिय कंपनी आहे. भारतामध्ये पुढील 2 ते 3 वर्षात इलेक्ट्रिक दुचाकींचा वाटा वाढताना दिसेल. फेम टूच्या सवलती आणि इलेक्ट्रिक वाहनांअंतर्गतच्या सुटसुटीत धोरणामुळे इलेक्ट्रिक दुचाकींच्या मागणीत वाढ होताना दिसेल. सध्याच्या घडीला पाहता पेट्रोल इंधनावरील आणि इलेक्ट्रिक दुचाकींची किंमत जवळपास सारखीच राहिली आहे.