ऑनलाईन टीम / देहरादून :
उत्तराखंडात मागील 24 तासात सर्वाधिक म्हणजेच 868 नव्या कोरोना रुग्णांची नोंद झाली. या सोबतच कोरोना रुग्णांनी 38 हजारांचा टप्पा गाठला आहे. तर राज्यात कोरोनाबाधितांची एकूण संख्या 38 हजार 007 वर पोहचली आहे, अशी माहिती आरोग्य सचिव युगल किशोर पंत यांनी दिली.
मिळालेल्या माहितीनुसार, काल 11,267 रिपोर्ट निगेटिव्ह आले. काल आढळलेल्या 868 रुग्णांमध्ये अलमोरा जिल्ह्यात 26, बागेश्र्वर 29, चमोली 21, चंपावत 7, देहरादून 359, हरिद्वार 106, नैनिताल 83, पौरी गरवाल 32, पिथोरगड 9, रुद्र प्रयाग 6,तेहरी गरवाल 10, यू एस नगरमधील 161 आणि उत्तर काशीमधील 19 जणांचा समावेश आहे.
- शुक्रवारी एका दिवसात 1285 रुग्ण कोरोनामुक्त
दिलासादायक बाब म्हणजे शुक्रवारी 1285 जणांना डिस्चार्ज देण्यात आला तर आतापर्यंत प्रदेशातील 26,095 रुग्णांची प्रकृती सुधारली असून त्यांना घरी सोडण्यात आले आहे. रुग्ण बरे होण्याचे प्रमाण 68.66 टक्के इतके आहे. तर सध्या 11 हजार 293 रुग्णांवर विविध रुग्णालयात उपचार सुरू आहेत, तर आतापर्यंत 464 रुग्णांचा मृत्यू झाला आहे, असे पंत यांनी यावेळी स्पष्ट केले.