ऑनलाइन टीम / लखनऊ :
उत्तर प्रदेशात कोरोना व्हायरसमुळे एका तरुणाचा मृत्यू झाला आहे. आत्तापर्यंत कोरोनामुळे होणाऱ्या मृत्यांमध्ये वृध्द व्यक्तीची संख्या अधिक होती. मात्र या या व्हायरस ने आता तरुणांना देखील ग्रासण्यास सुरुवात केली आहे.
मिळालेल्या माहितीनुसार, मृत झालेला तरुण बस्ती येथील असून तो फक्त पंचवीस वर्षांचा होता. इतक्या कमी वयात कोरोणामुळे मृत्यु झाल्याची पहिलीच घटना आहे. बी आर डी रुग्णालयात त्याच्यावर उपचार सुरू होते. के जी एम यू मध्ये रुग्णाचे स्वॅब नमुने तपासणीसाठी पाठविण्यात आले होते. यामधून त्याला कोरोनाची लागण झाल्याचे स्पष्ट झाले होते.
दरम्यान, प्रशासनाकडून बस्ती जिल्ह्यातील युवकाचे घर व आजूबाजूचा परिसर सील करण्यात आला आहे. हा तरुण काही दिवसांपूर्वी परदेशातून आल्याची चर्चा परिसरात सुरू आहे. सध्या उत्तर प्रदेश मध्ये कोरोना रुग्णांची संख्या शंभरच्या वर पोहोचली आहे.