प्रतिनिधी /सातारा :
जिह्यातील कोरोना बाधितांचा आकडा 12 हजाराच्या जवळ पोहचला आहे.बाधिताना बेड मिळत नाहीत.जिल्हा रुग्णालयात कोरोना वॉर्डात 24 तास डॉक्टर नाहीत.होम आयसोलेशनमध्ये असलेल्यांना वैद्यकीय सुविधा योग्य पद्धतीने दिल्या जात नाहीत.खरी आकडेवारी जाहीर केली जात नाही, या बाबींचा पोलखोल माजी मुख्यमंत्री देवेंद्र फडणवीस हे उद्या सातारा जिल्हा दौयावर आल्यावर करणार आहेत, अशी माहिती भाजपचे जिल्हाध्यक्ष विक्रम पावसकर यांनी दिली आहे.
सातारा जिह्यात मुख्य सातारा, कराड, वाई, म्हसवड, रहिमतपूर, महाबळेश्वर, पाचगणी या शहराबरोबरच ग्रामीण भागात जिह्यातील 1500 गावांपैकी 777 गावात मोठय़ा प्रमाणावर बाधित रुग्ण आढळून येत आहेत.कोरोना सेंटरमध्ये सोयी सुविधा दिल्या जात नाहीत.त्यांच्या तक्रारी आल्या आहेत.अनेक तक्रारी घेऊनच जिह्यातील आरोग्य यंत्रणा कितपत सेवा देते याची माहिती घेऊन पोलखोल करण्यासाठी विरोधी पक्षनेते देवेंद्र फडणवीस व भाजपाचे प्रदेशाध्यक्ष आमदार चंद्रकांतदादा पाटील हे सातारा जिल्हा दौयावर येत आहेत.दुपारी पुणे येथून 3.00 वाजता सातारा येथे आगमन होणार आहे.क्रांतिसिंह नाना पाटील जिल्हा सर्वसाधारण रुग्णालय (सिव्हिल हॉस्पिटल) सातारा कोरोना सेंटरला भेट व रुग्णांची विचारपूस करणार आहेत.तेथून दुपारी साडे तीन वाजता जिल्हाधिकारी कार्यालयात जिह्यातील कोरोना परिस्थितीचा आढावा घेण्यात येणार आहे.तेथून संध्याकाळी 5 वाजता कृष्णा हॉस्पिटल कराड येथे कोरोना सेंटरला भेट व रुग्णांची विचारपूस करणार आहेत.पुढे कोल्हापूरला जाणार आहेत, असे ही भाजपच्यावतीने सांगितले.