प्रतिनिधी
बेंगळूर
खासगी रुग्णालयांनी कोरोनाबाधित रुग्णांवर उपचार करण्यास नकार देऊ नये. नकार दिल्यास त्या रुग्णालयांविरुद्ध कायदेशीर कारवाई करण्यात येईल, असा इशारा महसूलमंत्री आर. अशोक यांनी खासगी वैद्यकीय महाविद्यालय रुग्णालयांना दिला आहे. खासगी रुग्णालयांच्या प्रमुखांसमवेत मुख्यमंत्री बी. एस. येडियुराप्पा यांनी बैठक घेतल्यानंतर ते बोलत होते.
मंत्री अशोक पुढे म्हणाले, रुग्णालयांनी बाधितांवर उपचार करण्यासाठी 50 टक्के बेड राखून ठेवावे. यापुढे याबाबत कोणतीही बैठक होणार नाही. अडचणींच्या वेळेस कोणीही बेड देण्यास नाकारू नये. अन्यथा त्यांच्याविरुद्ध कारवाई करण्याचा इशारा मुख्यमंत्र्यांनी दिला आहे, असे त्यांनी सांगितले.