ऑनलाईन टीम / पुणे :
कोरेगाव-भीमा येथे विजयस्तंभास अभिवादन करण्यासाठी देशभरातील हजारो नागरिकांनी गर्दी केली आहे. आज सकाळी सात वाजता उपमुख्यमंत्री अजित पवार यांनीही विजयस्तंभास अभिवादन केले.
यावेळी अजित पवारांनी उपस्थितांना नववर्षाच्या शुभेच्छा दिल्या. अजित पवार म्हणाले, विजयस्तंभाचा एक वेगळा इतिहास आहे. देशभरातून लाखो लोक दरवर्षी येथे अभिवादन करण्यास येत असतात. मी देखील राज्यातील जनतेच्यावतीने येथील शौर्यस्तंभास अभिवादन करतो. येथे येणाऱया प्रत्येकाने शांतता पाळावी, परिसरातील स्वच्छता टिकवावी. कोणत्याही अफवांवर लोकांनी विश्वास ठेवू नये.
अभिवादन सोहळा शांततेत पार पाडवा, यासाठी पोलीस व जिल्हा प्रशासनाकडून कडेकोट बंदोबस्त ठेवण्यात आला आहे. 740 जणांविरुद्ध प्रतिबंधात्मक कारवाई देखील करण्यात आली आहे. याशिवाय सोशल मीडियावर देखील पोलिसांची करडी नजर आहे.