नवी दिल्ली
ऍथर एनर्जीने आपली पहिली स्कूटर ‘ऍथर 450’ या मॉडेलची विक्री बेंगळूर आणि चेन्नई येथून बंद करण्याचा निर्णय घेतला आहे. यामुळे येत्या काळात या मॉडेलचे उत्पादन बंद करुन नवीन मॉडेल बाजारात आणण्याची कंपनीची तयारी आहे. यासोबतच ऍथर एनर्जी वेगाने विकास करण्यासाठीची योजना तयार करीत असल्याचेही सांगण्यात आले आहे. यात सचिन बंसल आणि हिरो मोटोकॉर्पच्या नेतृत्वात सीरीज-डी फंडिगची नवीन योजना समाविष्ट आहे.
ऍथर 450 कडून ऍथर 450 एक्स आणि ऍथर 450 प्लस यांना रिप्लेस करण्यात येणार आहे. या स्कूटरची एकाच प्लॅटफॉर्मवर निर्मिती होणार आहे. यामध्ये विशेष हार्डवेअर आणि सॉफ्टवेअर या सुविधा राहणार असल्याची माहिती देण्यात आली आहे.
ऍथर एनर्जीचे सह संस्थापक आणि सीईओ तरुण मेहता यांनी यावेळी म्हटले आहे, की आमच्या पहिल्या मॉडेलच्या तंत्रज्ञनाचा उपयोग नव्या मॉडेलमध्यही आहे.