वृत्तसंस्था/ पॅरिस
एफ-वन मोटार रेसिंग क्षेत्रातील फ्रान्सचा 24 वर्षीय चालक पीयर गॅस्ली याला कोरोनाची बाधा झाली आहे. सदर माहिती गॅस्लेने स्वतः आपल्या ट्विटरवर प्रसिद्ध केली आहे.
एफ-वन आंतरराष्ट्रीय मोटार रेसिंग क्षेत्रामध्ये आतापर्यंत सहा चालक कोरोना बाधित आढळले आहेत. फ्रान्सचा गॅस्ली सध्या दुबईत सराव करीत आहे. यापूर्वी मेक्सिकोचा पेरेझ, कॅनडाचा लान्स स्ट्रोल, ब्रिटनचा सातवेळा विश्वविजेतेपद मिळविणारा लेविस हॅमिल्टन, मॅक्लारेनचा नोरिस आणि फेरारी चालक चार्ल्स लिक्लेर्क या अव्वल चालकांना कोरोनाची लागण झाली होती.