कॅम्प पोलीस स्थानकात एफआयआर
प्रतिनिधी /बेळगाव
येथील मराठा लाईट इन्फंट्री (एमएलआयआरसी)मधील एक प्रशिक्षणार्थी जवान दोन दिवसांपासून बेपत्ता झाला आहे. या संबंधी कॅम्प पोलीस स्थानकात एफआयआर दाखल करण्यात आला असून पोलीस त्याचा शोध घेत आहेत.
अरबाजअली दस्तगीरसाब नदाफ (वय 21, रा. नेर्ली, ता. हुक्केरी) असे त्या जवानाचे नाव आहे. शुक्रवारी 27 नोव्हेंबर रोजी सायंकाळी 5.30 पासून तो बेपत्ता झाला आहे. रोलकॉल सुरू असताना अरबाजअली बेपत्ता झाल्याचे आढळून आले आहे.
यासंबंधी हवालदार शिवाजी देसाई यांनी शुक्रवारी रात्री कॅम्प पोलीस स्थानकात फिर्याद दिली आहे. लष्करात भरती झाल्यानंतर सध्या अरबाजअलीचे प्रशिक्षण सुरू होते. वरि÷ अधिकाऱयांकडून परवानगी किंवा रजा न घेता तो तेथून निघून गेल्याचे पोलिसांनी सांगितले. या प्रशिक्षणार्थी जवानाविषयी कोणाला माहिती मिळाल्यास 0831-2405234 या क्रमांकावर पोलीसांशी संपर्क साधण्याचे आवाहन करण्यात आले आहे.