क्रीडा प्रतिनिधी /बेळगाव
बेळगावच्या तीन सायकलपटूंनी एमटीबी हिमालय (शिमला) सायकलिंगचा इव्हेंट यशस्वीरित्या पूर्ण केला. यात प्रथमच ईजाज इनामदार या सायकलिंग डिलरने ही स्पर्धा पूर्ण करण्याचा वेगळाच पराक्रम केला. बिपीन हुंदरे, बाळाप्पा कुगजी हे देखील या इव्हेंटमध्ये सहभागी होते. त्यांनीही यश संपादन केले.
एमटीबी हिमालय या सायकलिंग इव्हेंटमध्ये बेळगावच्या इजाज इनामदार, बिपीन हुंदरे व बाळाप्पा कुगजी या तिघांनी भाग घेतला होता. 120 कि. मी. अंतर डोंगराळ भाग, घाट, व चिखल यातून कठीण टप्पे होते. या प्रतिकूल परिस्थितीला सामोरे जात त्यांनी यश खेचून आणले. हे तीनही सायकलपटू बेळगाव पॅडलर्स क्लबचे सभासद आहेत. एमटीबी संघटनेकडून इव्हेंट पूर्ण केल्याबद्दल पदके व प्रमाणपत्र देवून त्यांचा गौरव करण्यात आला.