वृत्तसंस्था/ नवी दिल्ली
लाईफ इन्शुरन्स कॉर्पोरेशन (एलआयसी) यांच्याकडून पुन्हा एकदा विमाधारकांना दिलासा मिळणार आहे. कारण कंपनीने बंद पडलेल्या पॉलिसी पुन्हा चालू करण्याची संधी उपलब्ध करुन दिली आहे. यामध्ये पॉलिसीधारक 7 जानेवारी ते 6 मार्चपर्यंत ग्राहक आपली बंद पडलेली पॉलिसी पुन्हा सुरु करु शकणार आहेत. गेल्या काही महिन्यात कोरोनामुळे अनेकांनी पॉलिसीचे हप्ते भरलेले नाहीत किंवा अनेक अडचणीही झेलल्या आहेत. काहींची पॉलिसी बंदही झाली आहे. अशांना आता बंद पॉलिसी पुन्हा सुरू करता येणार आहे.
एलआयसीकडून सादर करण्यात आलेल्या माहितीनुसार पहिल्या न भरलेल्या प्रीमियमधून पाच वर्षाच्या कालावधीत बंद झालेल्या पॉलिसी सुरु करता येणार आहेत. यामध्ये देशभरातील आपल्या 1526 सॅटेलाईट कार्यालयांना पॉलिसी सुरु करण्याकरीता अधिकृत केले आहे. यामध्ये एजंटचीही मदत घेता येणार आहे.
लेट फीवर सवलत
पॉलिसीधारकांना पॉलिसी सुरु करताना भरावी लागणाऱया लेट फीमध्ये 20 टक्क्यांची सवलत मिळणार आहे. तर 1 ते 3 लाख रुपयांपर्यंतच्या वर्षाच्या प्रीमियमच्या पॉलिसीना चालू करण्यासाठी लेट फीवर 25 टक्क्यांची सवलत मिळणार आहे.