नवी दिल्ली
पायाभूत सुविधांच्या क्षेत्रात पाया रोवलेल्या एल अँड टी कंपनीला स्थानिक स्तरावर कंत्राटे मिळण्याचे प्रमाण दिवसेंदिवस वाढतेच आहे. नवनवीन कंत्राटे मिळवण्यात कंपनीला यश मिळते आहे. अलीकडच्या काळात अनेक कंत्राटे कंपनीने पदरात पाडून घेतली आहेत.विविध प्रकल्पांच्या कंत्राटाचे मूल्य 1000 ते 2500 कोटी रुपयांपर्यंत पोहोचले असल्याचे कंपनीकडून सांगण्यात येते. मुंबईतील एका बांधकाम क्षेत्रातील विकासकाने कार्यालय उभारणीचे कंत्राट दिले आहे. यासोबत हरियाणामध्ये एका वैद्यकीय महाविद्यालयाच्या इमारत व इस्पितळाचे कामही कंपनी करणार आहे. 15 लाख चौरस फूट क्षेत्रफळाच्या जागेवर सदरची इमारत बांधली जाणार आहे. याशिवाय रेल्वेकडूनही बांधणीचे कंत्राट मिळाले आहे.