प्रतिनिधी /बेळगाव
एसकेई सोसायटीचा स्थापना दिवस दि. 6 ऑगस्ट रोजी साजरा करण्यात येणार आहे. यानिमित्त सकाळी 11 वाजता आरपीडीच्या के. एम. गिरी सभागृहात डॉ. आशुतोष पोतदार यांचे व्याख्यान आयोजित केले आहे. प्रमुख पाहुणे म्हणून राजमाता राणी पार्वती देवी यांचे नातू खेमराज सावंत-भोसले तर अध्यक्ष म्हणून संस्थेचे उपाध्यक्ष पंकज शिवलकर उपस्थित राहणार आहेत.
डॉ. आशुतोष पोतदार हे ‘नव्या युगाची शिक्षण पद्धत ः आव्हाने आणि मार्गक्रमण’ या विषयावर व्याख्यान देणार आहेत. ते मराठी आणि इंग्रजी भाषेतील लेखक असून संशोधकही आहेत. बहुभाषा, साहित्य, रंगभूमी हे त्यांचे अभ्यासाचे विषय आहेत. ‘हाकारा’ या ऑनलाईन जर्नलचे ते संस्थापक आणि सहसंपादक आहेत. त्यांनी लिहिलेली नाटके राष्ट्रीय आणि आंतरराष्ट्रीय महोत्सवात सादर झाली आहेत. लेखनासाठी त्यांना महाराष्ट्र फौंडेशनचा आर. सी. दातार तसेच राम गणेश गडकरी पुरस्कार मिळाला आहे.